COLMAR – STRASBURG 2 DITE ME GUIDE

-Nisja nga Aeroporti Ndërkombëtar i Tiranës në drejtim te Baselit. Pas mbërritjes dhe përfundimit të procedurave aeroportuale, nisemi drejt Colmarit, një nga qytetet më të bukura të Alsasës, i njohur për shtëpitë shumëngjyrëshe, kanalet romantike dhe atmosferën përrallore. -Gjatë vizitës do të eksplorojmë: La Petite Venise – Lagjja më ikonike e Colmarit, ku shtëpitë tradicionale shumëngjyrëshe pasqyrohen mbi kanalet e lumit Lauch. Një nga zonat më të bukura për shëtitje dhe fotografi. Quai de la Poissonnerie – Ish-lagjja e peshkatarëve, e dallueshme për shtëpitë karakteristike me fasada plot ngjyra, të vendosura përgjatë kanalit. Tregu i Mbuluar i Colmarit – Një ndërtesë historike ku mund të gjenden produkte lokale, djathëra, ëmbëlsira dhe specialitete tradicionale të Alsasës. Maison Pfister – Një nga ndërtesat më të famshme të qytetit, e ndërtuar në shekullin XVI dhe e njohur për fasadën e dekoruar dhe ballkonet prej druri. Kisha Saint-Martin – Një kishë mbresëlënëse gotike që ndodhet në zemër të qendrës historike dhe konsiderohet një nga monumentet kryesore të Colmarit. Pas vizitave do të kemi kohë të lirë për drekë, fotografi dhe shëtitje individuale në rrugicat e qendrës historike. Pasdite nisemi drejt Strasburgut. Mbërritja në hotel, sistemimi në dhoma dhe kohë e lirë për të shijuar atmosferën e mbrëmjes, shëtitjet pranë kanaleve dhe restorantet tradicionale të Alsasës.